#

Wednesday, February 13, 2008

Азийн АЛТАН дагина

Орох орон гэрийн асуудалтай байхад сэтгэл санаа тайван бус байдаг нь хэн бүхний мэдэх зүйл. Ах бид хоёр эгчийнхээ түрээсэлж буй гэрт очиж хамтдаа өнөөх гэрийг нь түрээсэлж амьдрахаар болж байх шиг байна. Гэхдээ хүн нэг бүр 300 доллар, нийтдээ нэг гэр түрээслэхэд 900 доллар сард төлөх учиртай болж байх юм. Энэ чинь юу вэ? би мөнгөө тушаачихсан хойноо энэ чинь юу билээ гэж гэнэт бодов. Очиж очиж монгол гэрийг сард 900 доллараар түрээслэнэ гэдэг чинь... Өнөөх гэрийн эзэн араб царайтай еврей нөхөр "ийм л байдаг ш тээ" гэсэн янзтэй жишим ч үгүй, бүүр сэтгэл хангалуун мушийгаад цааш эргэв. Би нөгөө хоёртоо хэлж байх юм.
-Үгүй энэ чинь биш байна аа, надад аавын муу гэр байж байгаа шүү дээ, бүгдээрээ тэр гэрээ босгоод тэндээ амьдаряа л даа. Ямар түрээсийн мөнгө гэж нэхэх юм биш. Нэг сард төлж буй түрээсийнхээ төлбөрөөр л бид тэр гэрт элбэг хүрэлцэх бүрээс худалдаад авчихна шүү дээ гэхэд эгч маань
-Одоо нэгэнт мөнгийг нь төлчихсөн юм чинь гэсэн байртай гайхан, асуусан харжаар ах руу харав. Харин ах:
- Одоо удахгүй 12 сар гарлаа, энэ хөлдүү газарт яаж гэр барьдаг юм гэж байна.
-За яахав, энэ сардаа эндээ байя, дараа сар гэхэд ямар ч байсан аавын гэрийг босгоод дулаалга энэ тэрийг нь сайтар хийчихэд бололгүй яахав, ерөөсөө ингэж шийдэе, дараа сарийнхаа мөнгийг өгөхөөс өмнө бүгдээрээ энэ гэрээс гарцгаая гэлээ.

Тэгээд би машиндаа суугаад аавын гэр хураалттай байгаа том эгчийнх рүүгээ давхив. Тэднийх орон сууцанд... Гэхдээ Улаанбаатарт. Харин би хаанаас Улаанбаатарыг зүглэж буй маань тодорхойгүй. Нэг л их хол замыг туулах шиг боллоо.
Нэг өндөр байрны доорх паркинд машинаа оруулчихав. Уг нь тэдний хаалга гурван номер санагдана. Нэг билүү хоёр давхарт. Би андуураад 4 давхарт гарчихаж, тэгээд доош бууж хаалгыг нь татлаа. Хүргэн ах маань угтав. Бөөн л баяр, нүүр дүүрэн инээмсэглэл, хол замын алжаал тайлагдах шиг болох юм.
-За миний дүү наашаа суу, эгч нь нэг хоол хийж байна гэх юм.
-Машинаа энэ доор тавьчихлаа зүгээр үү гэтэл
-Зүгээр зүгээр, угаасаа чиний нэр дээр ах, эгч хоёр нь энд нэг байр авчихсан байгаа гэж байна аа.
Би эгчийнхээ хоол хийж буй гал тогооны өрөө рүү очив. Цаана нь ливинг рүүмний цонх нь цэлийгээд үдшийн гэгээ өрөө дүүрнэ. Тэр ливинг рүүмний цонх нь ханаар дүүрэн том юм. Гэтэл тэр цонхоор юу харагдсан гэж санана.
ҮДШИЙН УЛААНБААТАР...
Би тийм ч олон орон газраар явж байгаагүй ч ер нь ямар нэгэн хотын үзэсгэлэнг харьцуулан мэдэхтэйгээ. Миний үзсэн хотуудаас надад хамгийн их таалагдсан нь, хамгийн орчин үеийн загвар стильтэй нь Арабын Эмиратын Дубай хот. Далай эрэг дагуулан сүндэрлэх тэр хот бол үнэхээр л орчин үеийн, магад эхэлж буй энэ зууны загвар хотын дүр төрхтэй. Хилтон зочид буудлын 44 давхарын цонхоор үдшийн Дубайг бахдал дүүрэн харж байхад төрсөний ижил яг л тийм мэдрэмж тэр цонхоор үдшийн Улаанбаатарыг харж байхад төрөх юм.
-Вов, Танайх чинь хэдэн давхарт байсан юм бэ?
-33 дахь давхарт. Сайхан харгадаж байгаа биз дээ.
Миний тэр цонхоор харсан Үдшийн Улаанбаатар хот бол мөрөөдлийн хот гэмээр. Хүргэн ахын маань тэрхүү байшин одоогийн Танктай хөшөөний суурь орчимд л байгаа бололтой юм. Яг тэдний цонхны доохно талд аварга том алтан цагираг нэг гартаа өргөж буй аварга хүний алтан хөшөө байх юм. Тэр хөшөө нь барагцаагаар Эрхчөлөөний хөшөөний хэмжээтэй, бас 20 гаруй давхарын дээр, магад тэр барилгынхаа дээвэр нь болон сүндэрлэж буй ажээ. Гартаа барьсан тэр цагираг нь яг байшингийнхаа суурийн хэмжээтэй, хэвтээ байрлалтай учраас нөгөө хүний гар барьж буй хэсгээсээ нөгөө тал нь нэлээд доош хэлтгий, нөгөө талбаа ямар нэгэн тулгуру үгүй юм. Гэхдээ тэр алтан цагираг нь зүгээр нэг бөөрөнхий цагираг биш, босоо олон цонхтой ханан цагираг агаад, тэр бүх цонх нь гэрэлтэй ажээ. Ер бусын барилгын шийдэл, ганц тэр гарын тулгуур дээр яаж энэ аварга том байгууламжийн ингэж тогтоож чадсан нь гайхалтай.
Түүний цаахан талд нь буй барилгын Нью-Йоркийн Креуслэр Бюлдингын орой шиг олон талст шовх оройд жаргаж буй нарны туяа шижиртэн ойх юм. Тэр олон талст нь Нью-Йоркийнхоос ч их олон талсттай, нэг харахад бөөрөнхий ч юм шиг нэг харахад зуйван ч юм шиг таслтууд байх ажээ. Мөн өч төчнөөн олон өндөр барилгын алтан оройд шоволзоно. Тэдгээр барилгуудын бахдам сүрлэг орой нь тэртээ цаана харагдах Чингэлтэй хайрхантай зэрэгцэх ажээ.
Энд бас нэг содон зүйл ажиглагдсан нь хотын дүүрэг бүр өөр өөр өнгийн гэрлээр гэрэлтэж бйах юм. Одоогийн 3, 4 дүгээр хороолол маань цэнхэр ухаа гэрлэн чимэглэлтэй бол тэр төмөр зам, 120 айл, Баян гол орчимынх Алтан шаргал чимэглэлтэй, баруун тийш Багшийн дээ тийшээ ягаан гэрлэн чимэглэлтэй.
Тэр бахдам сайхан хотын үзэсгэлэнг харж бахархаж зогсоход хүргэн ах маань хажууд ирээд,
- Энэ манай хорооллыг бариуд дуусгачихсан юм, одоо тэр хуучин 3, 4 дүгээр хорооллын орчимд ид бүтээн босголт болж байгаа, гэлээ.
Яг Сүхбаатарын талбай орчим харагдсангүй, олон өндөр шилэн болон алтан барилгуудын оройд халхлагдаад...
Манай тэр ахын байрны дотор тал ч ер бусын дизайн, шийдэлтэй юм. Хана нь тэр чигээрээ цонх. Ямар ч раам, зааг байхгүй, зүгээр л задгай агаарт буй мэт...
Ийм нэг сайхан зүйл үзэгддэг юм байна.
Нээрээ, Улаанбаатар маань, Утаан баатар маань хэзээ нэг ийм сайхан орчин үеийн хот болох юм болдоо.

Зүүд маань дүүрэн биелэх болтугай хэмээн хөнжил дотроо шивнэсээр сэрлээ дээ.

#

7 comments:

peakfinder said...

Neeree beleg dembereltei saihan zuud baina. Biyeleh boltugai.

oyunaa said...

Goe zuud bna. Ta yag heduid zuudelsen. Uureer zuudelsen bol gartsaagui bielene ee gesen he he. Erool bat orshig ee. Iim saihan hottoi bolchihbol ch....

Arsun said...

Saihan zuud baina. Udahgui baihoo, ene awilga huiwaldaanyg alga bolgochihwol.

nana said...

ovoo zuudelchdeg gar shuu, yaj tiim nariin durs durslel, urlagiin buteeluudiig zuudendee teg nariin hardag bnaa ain, aimeer hovor gangan zuud bna daa, zuuden dotor ni orj tsug harsan bol tei

tenemel said...

______****__________**** ______
___***____***____***____ *** ___
__***________****_________***__
_***__________**__________***__
_***___ valentinii mend___***_
_***_____ .xurgiii... ____***__
__***______ ...;-)_______***__
___***__________________***___
____***_______________***_____
______***___________***_______
________***_______***_________
__________***___***___________
____________*****_____________
_____________***_____________

Зүүдний тэмдэглэл said...

Пийк-д
Харин тийм ээ, сайхан зүүд. биелэх болтугай гэж их ч залбирч байна даа.

Оюунаа-д
Үүрээр зүүдэлсэн шүү, биелэх байх аа

Арсун
Удах эсэхийг дан ганц та бидний сэтгэлийн чин зориг мэдмой

Нана-д
Уг нь тэр байшингийн зургийн зурсан юм, харамслатай нь миний скан ажилладаггүй, маузаар зурахаар олигтой юм болохгүй юм, нэг зургийг нь оруулчихвал, харвал ч өөр л дөө. дараа нь скан аа ажилд орохоор зургийг нь заавал оруулна аа. магадгүй, ирээдүйн архитехторчид түүнээс санаа авах ч юм билүү.
Би жинхэнэ ховор ганган нгэ зүүд зүүдэлсэн, түүнээ тахиа шиг тас дараастай.

Тэнэмэл-
Баярлалаа, тэнэмэл ээ, ямар содон сонин мэндчилгээ ирүүлээ вэ.

nana said...

oodgui hogsht, jinbken gangan zuudee daraad bhdaa yahv dee, ter chin teed urjhiimyy darlaa geed, urjsen hoino ni bi sonshiimyy (aimeer shamduulalttai)